Սերբիան և Հունգարիան հստակեցրել են ռազմավարական համագործակցությունը պաշտպանության ոլորտում 2025 թվականին և կանցկացնեն առավելագույն թվով համատեղ միջոցառումներ, որոնք կմոտեցնեն պաշտոնական Բելգրադի և Բուդապեշտի միջև ապագա ռազմական դաշինքի ստեղծումը, ասել է Սերբիայի նախագահ Ալեքսանդր Վուչիչը։
Հունգարիայի պաշտպանության նախարար Կրիստոֆ Շալայ-Բոբրովնիչկին երեքշաբթի ժամանել է Սերբիա, որտեղ նրան Բելգրադի մերձակայքում գտնվող Բատայնիցա ռազմական օդանավակայանում հանդիսավոր դիմավորել է Սերբիայի պաշտպանության նախարար Բրատիսլավ Գաշիչը։ Այնուհետեւ Հունգարիայի պաշտպանության նախարարության ղեկավարին ընդունել է Սերբիայի նախագահը։
Վուչիչի ներկայությամբ Շալայ-Բոբրովնիչկին և Գաշիչը ստորագրել են 2025 թվականին երկկողմ ռազմական համագործակցության պլանը և Սերբիայի և Հունգարիայի միջև ռազմավարական պաշտպանական համագործակցության իրականացման փաստաթուղթը։
