Վրաստանի խորհրդարանը երրորդ և վերջին ընթերցմամբ ընդունել է օտարերկրյա գործակալների մասին օրենքը, որը ԱՄՆ-ում գործող FARA (Օտարերկրյա գործակալների գրանցման ակտ) օրենքի ճշգրիտ պատճենն է։ Լիագումար նիստը հեռարձակվել է խորհրդարանի կայքում։
Օրենքին կողմ է քվեարկել 86 պատգամավոր, ոչ ոք դեմ չի արտահայտվել։
Փետրվարի սկզբին իշխող «Վրացական երազանք-Ժողովրդավարական Վրաստան» կուսակցությունը հայտարարեց, որ ընդունելու է օտարերկրյա գործակալների մասին ամերիկյան օրենքի՝ FARA-ի ճշգրիտ անալոգը։
Կուսակցությունների ղեկավարների կարծիքով՝ նոր օրենքն ավելի արդյունավետ կլինի, քան անցյալ տարվա մայիսին ընդունված «Օտարերկրյա ազդեցության թափանցիկության մասին» օրենքը՝ այն հասարակական կազմակերպությունների արտաքին ֆինանսավորման դեմ պայքարում, որոնց իրական նպատակը երկրում հեղափոխական գործընթացներին աջակցելն է։
Վրաստանի օրենսդրությունը, ի տարբերություն ամերիկյան օրենքի, չի տարածվում ֆիզիկական անձանց վրա և ենթադրում է միայն տուգանքներ տարեկան եկամուտների հայտարարագիր չներկայացնելու համար։ Ամերիկյան օրենքը նախատեսում է մինչև 5 տարվա ազատազրկում։
