ՌԴ ԱԻՆ աշխատակիցները Կամչատկայի երկրամասում որոշել են հարսանիքը նշել ծայրահեղ պայմաններում։ Արարողությունն անցկացնելու համար նրանք ընտրել են Ավաչինսկի հրաբուխը։ Այս մասին հայտնում է Արտակարգ իրավիճակների նախարարության Telegram ալիքը։
Սերգեյ և Քրիստինա Դրուժինինները հանդիպել են ծառայության ժամանակ։ Նրանցից մեկն աշխատում է տարածաշրջանում ՌԴ ԱԻՆ Գլխավոր տնօրինության որոնողափրկարարական ջոկատի փրկարար, մյուսը՝ վարչության լրատվական ծառայության աշխատակից է։
Նրանք որոշել են ամուսնանալ իրենց ծանոթությունից մեկ տարի անց։ Ալպինիստները խնամքով պատրաստվել են վերելքին՝ ուսումնասիրելով եղանակը և տեղանքը: Անվտանգության բոլոր կանոնների պահպանմամբ՝ նրանք մատանիներ են փոխանակել հենց հրաբխի խառնարանի մոտ՝ 2741 մետր բարձրության վրա։
