«Գոտանյան Սվետլանան եմ՝ Շուշիից, իսկ հետո՝ Ստեփանակերտից տեղափոխվել են Հայաստան: Մենք պետք է պայքարենք, ինչ է լինի, մենք հետ կգնանք,գնալու եք»,- Panorama.am-ի հետ զրույցում ասաց 17-ամյա արցախին ՝ չկարողանալով զսպել հուզմունքը։
Նա նշեց, որ ընտանիքով ապրում են Արմավիրում։
«6 հոգի ենք: Արցախում շատ լավ էինք ապրում: Իսկ հիմա այստեղ՝ չէ: Ինչ էլ լինի, մենք հետ կգնանք: Ինչքան պետք լինի պայքարել, պետք է պայքարենք, կպայքարենք ու կգնանք: Հաստատ կգնանք: Մենք հույս ունենք, որ կգնանք ու կգնանք անպայման: Էսքան բանի միջով անցել ենք, մենք անկոտրում ենք, մենք էլի կհաղթահարենք այսքան դժվարությունները ու կգնանք հետ անպայման»,- ասաց Սվետլանա Գոտանյանը։ Նա նաև շեշտեց, որ Արմավիրում քոլեջ է ընդունվել՝ կրթությունը շարունակելու նպատակով, սակայն կիստ է թողել՝ խտրական վերաբերմունքի պատճառով։
«Քոլեջ էի գնում, հիմա դուրս եկա մի քանի պատճառներով, որ տարբերություն էին դնում, ուսուցչուհին»,- ասաց նա։ Մեր հստակեցմանը,թե խտրական վերաբերմունքը նկատելուց հետո է որոշում կայացրել քոլեջից դուրս գալ, Սվետլանա Գոտանյանը պատասխանեց․ « Շատ է ուզում շարունակեի, շատ էի պայքարել ու մի օր տենց եղավ՝ չուզեցի գնամ: Չկարացա ինձ ստիպել, որ գնամ էլի»։
«Որովհետև դուք արցախցի՞ եք»,- մեր հարցին ի պատասխան, 17-ամյա աղջիկն ասաց․ «Տենց եմ մտածում,որովհետև ինձ էին տենց առանձնացնում: Չգիտեմ խի: Մենակ էի ու չէի կարող մենակ մնայի»
