Ընդդիմությունը զանգվածային ցույց է կազմակերպել՝ ի պաշտպանություն Ստամբուլի ձերբակալված քաղաքապետ Էքրեմ Իմամօղլուի։ Այն տեղի է ունենում քաղաքի ասիական մասի Մալթեփե թաղամասում։
Ցույցը կազմակերպել է Թուրքիայի գլխավոր ընդդիմադիր Ժողովրդահանրապետական կուսակցությունը (CHP)՝ աջակցելու Իմամօղլուին որպես ընդդիմության նախագահի թեկնածու։
Դրան մասնակցում են նաեւ հինգ քաղաքական կուսակցությունների ներկայացուցիչներ։ Հանրահավաքի կազմակերպիչները ավելի վաղ հայտարարել էին, որ ակնկալում են, որ դրան կմասնակցի մոտ մեկ միլիոն մարդ: Հավաքվածները, շատերը՝ թուրքական դրոշները ձեռքներին, կարգախոսներ էին վանկարկում՝ ի պաշտպանություն Իմամօղլուի՝ պահանջելով նրան ազատ արձակել, կառավարության հրաժարականը և արտահերթ ընտրություններ անցկացնել։
Ընդդիմադիր նախագահի թեկնածուին որոշելու համար CHP-ի կողմից կազմակերպված փրայմերիզը տեղի է ունեցել մարտի 23-ին: Ավելի քան 14,8 միլիոն մարդ պաշտպանել է Իմամօղլուի թեկնածությունը, ավելի վաղ հայտնել էր ընդդիմադիր կուսակցության առաջնորդ Օզգուր Օզելը:
Հանրահավաքի կապակցությամբ Մալթեփեում և հարակից շրջաններում անվտանգության ուժեղացված միջոցառումներ են ձեռնարկվել։
