Մադրիդի արտակարգ իրավիճակների վարչությունը տեղի բնակիչներին խորհուրդ է տվել զերծ մնալ անհարկի ճանապարհորդություններից, հատկապես գետերի մոտ՝ հորդառատ անձրևների և հնարավոր ջրհեղեղների պատճառով։ Այս մասին ասվում է սոցիալական ցանցի X ծառայությունում։
Այսպիսով, հորդառատ անձրեւները հանգեցրել են որոշ մայրուղիների երթեւեկության ժամանակավոր արգելափակման։ «Խուսափեք անհարկի տեղաշարժերից», - ասել են գերատեսչությունից։ Բացի այդ, EFE գործակալության տվյալներով, մի շարք տեղական բուհերում դասերը չեղարկվել են եղանակային վատ պայմանների պատճառով։
Եղանակային անբարենպաստ պայմանների պատճառով իսպանական որոշ նախարարություններ նույնպես խորհուրդ են տվել իրենց աշխատակիցներին օրվա ընթացքում հեռավար աշխատել։
Ըստ կանխատեսումների՝ Մադրիդում անձրեւները կշարունակվեն մինչեւ մարտի 23-ը։
