Հարավային Կորեայի ընդդիմությունը՝ Տոբուրո Դեմոկրատական կուսակցության գլխավորությամբ, խորհրդարանի ապարատի համապատասխան մարմնին առաջարկ է ներկայացրել երկրի նախագահի պաշտոնակատար, փոխվարչապետ Չոյ Սանգ Մոկին իմփիչմենթի ենթարկելու վերաբերյալ։ Այս մասին հայտնում է YTN հեռուստաալիքը։
Պատճառը Չոյ Սանգ Մոկի՝ Սահմանադրական դատարանի վերջին դատավորին նշանակելուց հրաժարվելն էր։ Դեկտեմբերի վերջին փոխվարչապետը երեք թեկնածուներից երկուսին նշանակեց: Փետրվարի 27-ին Սահմանադրական դատարանը վճռեց, որ Կորեայի Հանրապետության նախագահի պաշտոնակատար Չոյ Սանգ Մոկի՝ խորհրդարանի առաջարկով դատավորի պաշտոնում երեք թեկնածուներից մեկին նշանակելու մերժումը խախտում է օրենսդիր մարմնի լիազորությունները։
Օրենքի համաձայն՝ իմպիչմենտի քվեարկությունը հնարավոր է խորհրդարանի լիագումար նիստում նախաձեռնությունը ներկայացնելուց ոչ շուտ, քան 24 ժամ հետո։ Տոբուրոն վերահսկում է խորհրդարանի 300 տեղերից 170-ը։
