ԱՄՆ պաշտպանության նախարարության մամուլի քարտուղար Ջոնաթան (Ջոն) Էլիոթն ազատվել է իր պաշտոնից և տեղափոխվել այլ աշխատանքի: Այս մասին հայտնում է The Washington Post-ը՝ հղում անելով իր աղբյուրներին: Պարբերականի տվյալներով՝ դա տեղի է ունեցել այն բանից հետո, երբ Պենտագոնը ջնջել է Ջեքի Ռոբինսոնի ռազմական անցյալի մասին առցանց հրապարակումը, որը 1947 թվականին ԱՄՆ բանակում ծառայելուց հետո դարձել է առաջին աֆրոամերիկացին, ով խաղացել է բեյսբոլի գլխավոր լիգայում (MLB):
Թերթը գրում է, որ երբ հոդվածը ջնջելու մասին լուրը լայն քննադատության է արժանացել սոցիալական ցանցերում, Էլիոթը հայտարարություն է տարածել, որում փորձել է կատարվածի պատճառները բացատրել «անսովոր ագրեսիվ տոնով»: Ինչպես նշվում է նյութում, մամուլի քարտուղարը քննադատության է ենթարկվել բազմազանության, հավասարության և ներառականության քաղաքականության քարոզչության դեմ պայքարի «ագրեսիվ պաշտպանության» համար: Ինչպես գրում է պարբերականը՝ վկայակոչելով Պենտագոնի ներկայացուցիչներին, Էլիոթի պաշտոնանկությունը հաջորդել է նաև ԱՄՆ պաշտպանության նախարարի հասարակայնության հետ կապերի գծով օգնական Շոն Պարնելի ժամանմանը:
Ինչպես նշվում է նյութում, Պարնելը երկար տարիներ ճանաչել Է Պենտագոնի ղեկավար Փիթ Հեգսեթին և վայելում է նրա վստահությունը: Թերթի տվյալներով՝ Էլիոթը պաշտպանության նախարարությունում այլ պաշտոն է զբաղեցնելու։
