Բելառուսի նախագահ Ալեքսանդր Լուկաշենկոն շնորհավորել է ՌԴ ԱԳ նախարար Սերգեյ Լավրովին ծննդյան 75-ամյակի առթիվ և նրան անվանել ռուսական դիվանագիտության խորհրդանիշ։ Այս մասին հայտնում է Բելառուսի ղեկավարի մամուլի ծառայությունը։
«Ամենափորձառու դիվանագետ, ժամանակակից իրողությունների խորը ըմբռնումով, նվիրված մասնագետ, ով իր ողջ կյանքը նվիրել է հայրենիքի բարօրությանը ծառայելուն, իսկական հայրենասեր. դուք իրավամբ դարձել եք ռուսական դիվանագիտության խորհրդանիշը:
Միջազգային աննախադեպ լարվածության պայմաններում դուք հաջողությամբ պաշտպանում եք ազգային շահերը և ակտիվորեն նպաստում ավելի արդար բազմաբևեռ աշխարհի ձևավորմանը»,- ասված է շնորհավորանքում։
Պետության ղեկավարը նշել է, որ Բելառուսը բարձր է գնահատում Լավրովի հետևողական բարեկամական վերաբերմունքը երկրի նկատմամբ և նրա ջանքերը՝ զարգացնելու բելառուս-ռուսական ռազմավարական գործընկերությունը և ամրապնդելու Միութենական պետությունը։
«Ակնկալում եմ հետագա արդյունավետ համագործակցություն՝ ի շահ մեր երկրների և ժողովուրդների»,- ընդգծել է նախագահը։
