Կանադայի արտաքին գործերի նախարար Մելանի Ջոլին դատապարտել է Չինաստանին չորս կանադացիների մահապատժի համար։ Այս մասին նա հայտարարել է լրագրողների հետ զրույցում, գրում է ՏԱՍՍ-ը։«Մենք խստորեն դատապարտում ենք կանադացիների մահապատիժը Չինաստանում»,- ասել է Ջոլին։
Նա պարզաբանել է, որ այդ մարդիկ դատապարտվել են թմրանյութերի հետ կապված հանցագործությունների համար։ Նախարարի խոսքով՝ նրանք ունեին Կանադայի և Չինաստանի երկքաղաքացիություն։ Այլ մանրամասներ նա չի հայտնել։
Ջոլին միայն հավելել է, որ մի քանի ամիս անձամբ է հետևել դատապարտյալների ճակատագրին։ Նա Կանադայի նախկին վարչապետ Ջասթին Թրյուդոյի հետ Չինաստանի իշխանություններից ներողամտություն են խնդրել, սակայն ցանկալի արդյունքի չեն հասել։
