Եվրոպական պաշտպանությունը չի կարող ոչ փոխարինել Հյուսիսատլանտյան դաշինքին, ոչ էլ ապահովել անվտանգության նույն մակարդակը։ Այս մասին Corriere della Sera թերթում հրապարակված բաց նամակում գրել է Իտալիայի պաշտպանության նախարար Գիդո Կրոզետտոն։
Նա հիշեցնում է, որ համաձայն ԵՄ պայմանագրի (Մաստրիխտի պայմանագիր, այնուհետև լրացվել է Լիսաբոնի պայմանագրով), ազգային անվտանգությունը մնում է անդամ երկրների պարտականությունը։
«Սա նշանակում է, որ յուրաքանչյուր երկիր պատասխանատվություն է կրում իր պաշտպանության համար, և այսօր չկա ԵՄ-ի կոլեկտիվ պաշտպանության հատուկ իրավական, ավտոմատ մեխանիզմ արտաքին ագրեսիայի դեպքում: Ի տարբերություն Հյուսիսատլանտյան պայմանագրի 5-րդ հոդվածի, եվրոպական պայմանագիրը չի նախատեսում պարտադիր միջամտություն»,- գրել է նախարարը։
«Կոլեկտիվ պաշտպանության միակ գործնական մոդելը ՆԱՏՕ-ն է: Եվրոպական պաշտպանությունը չի կարող ոչ փոխարինել ՆԱՏՕ-ին, ոչ էլ ապահովել անվտանգության նույն մակարդակը»,- ասել է Կրոզետոն:
Միաժամանակ, նախարարն անհրաժեշտ է համարում պաշտպանության ծախսերը, քանի որ «առանց անվտանգության չկա ոչ ազատություն, ոչ սոցիալական զարգացում»։ «Պաշտպանությունը մեր ժողովրդավարության հիմնական ամրոցն է և մեր միջազգային հեղինակության երաշխիքը»,- եզրափակել է նախարարը։
