Մոսկվան ակնկալում է, որ Ռուսաստանի և ԱՄՆ-ի միջև փորձագիտական մակարդակով բանակցությունները կշարունակվեն, հայտարարել է ՌԴ նախագահի մամուլի քարտուղար Դմիտրի Պեսկովը։
«Իսկապես, մենք ակնկալում ենք, որ բանակցությունները կշարունակվեն փորձագիտական մակարդակով մոտ օրերս։ Դա քննարկվել է, այդ թվում՝ նախագահները խոսել են նման բանակցությունների անհրաժեշտության մասին»,- լրագրողներին ասել է Պեսկովը։
Պուտինը հեռախոսազրույց է ունեցել Թրամփի հետ մարտի 18-ին։ Ինչպես հաղորդում է Կրեմլը, զրույցի ընթացքում Թրամփը առաջարկ է արել ուկրաինական հակամարտության կողմերին՝ 30 օրով փոխադարձաբար հրաժարվել էներգետիկ ենթակառուցվածքների վրա հարձակումներից։
Ավելի ուշ Վլադիմիր Զելենսկին ասել է, որ Ուկրաինան կաջակցի էներգետիկ ենթակառուցվածքների վրա հարձակումները դադարեցնելու առաջարկին։
