Ֆրանսիայի նախագահ Էմանուել Մակրոնի նախաձեռնությունները՝ ուղղված Ուկրաինայում իրավիճակի կարգավորմանը, նրան բախման կուրսի են դնում ԱՄՆ նախագահ Դոնալդ Թրամփի հետ։ Այս մասին ասվում է Bloomberg գործակալության նյութում։
Գործակալության տվյալներով՝ վերջին շաբաթներին, մինչ Թրամփը պնդում է կրակի շուտափույթ դադարեցումը, Մակրոնն ընդունել է ավելի քան 30 երկրների ռազմական գերատեսչությունների ղեկավարների։ Մեծ Բրիտանիայի վարչապետ Քիր Սթարմերի հետ նա ցանկանում է հավաքել 37 երկրների ներկայացուցիչների, որոնք պատրաստ են ռազմական աջակցություն ցուցաբերել Կիևին։ Միևնույն ժամանակ, Սպիտակ տան հետ հարաբերություններն ամրապնդելու Մակրոնի փորձերը լուրջ խոչընդոտների են հանդիպում, նշում է:
Ավելի վաղ Մակրոնը հանրապետության քաղաքացիներին ուղղված իր հեռուստաուղերձում ասել էր, որ Փարիզը կկազմակերպի Կիևին աջակցող մի շարք երկրների զինված ուժերի գլխավոր շտաբների պետերի հանդիպում՝ քննարկելու Ուկրաինայում եվրոպական կոնտինգենտի հնարավոր տեղակայման հարցը։
Վիեննայում միջազգային կազմակերպություններում Ռուսաստանի Դաշնության մշտական ներկայացուցիչ Միխայիլ Ուլյանովը մարտի 4-ին ասել է, որ Ռուսաստանը կտրականապես դեմ է Ուկրաինա եվրոպացի խաղաղապահների տեղակայմանը։
