Սանկտ Պետերբուրգում մեկ տարեկան տղան պատահաբար իր վրա է շրջել թեյնիկն ու այրվել. Այս մասին հայտնում է 78.ru հեռուստաալիքը։
Դեպքը տեղի է ունեցել Չեխովի փողոցում գտնվող բնակարանում։ Տղայի հոր խոսքով՝ երեխան մոտեցել է սեղանի մոտ, որտեղ տաք, թարմ եփած թեյ է եղել, և թեյնիկը քաշել է դեպի իրեն։ Տղամարդը չի հասցրել արձագանքել, իսկ անչափահասն իր վրա եռման ջուր է թափել։
Ծնողն անմիջապես շտապ օգնություն է կանչել, տղային լվացել ջրով ու հակաբորբոքային դեղամիջոց տվել։ Դեպքի վայր ժամանած բժիշկները երեխային տեղափոխել են հիվանդանոց.
Տուժածի մոտ ախտորոշվել են բազմաթիվ այրվածքներ, այդ թվում՝ դեմքի և պարանոցի հատվածներում։ Տղային մի քանի վիրակապ են դրել։ Հոր խոսքով՝ երեխան այժմ լավ է։
Մինչ այս Լենինգրադի մարզում մեկ տարեկան երեխային տեղափոխել էին վերակենդանացման բաժանմունք՝ սեղանի վրա թողած սուրճի գավաթը թափելուց հետո։ Միջադեպի առնչությամբ հետաքննություն է տարվում։
Թարգմանությունը՝ Մանուել Թամազյանի
