Թրամփի վարչակազմը դիտարկում է Ղրիմը որպես ռուսական ճանաչելու հարցը. Semafor

18.03 00:22 | Կատեգորիա ԱՄՆ

Դոնալդ Թրամփի վարչակազմը քննարկում է Ղրիմը Ռուսաստանի տարածք ճանաչելու հարցը՝ Ուկրաինայում հակամարտության ավարտին հասնելու փորձով։ Այս մասին հայտնում է Semafor պորտալը՝ հղում կատարելով աղբյուրներին։

«Թրամփի վարչակազմը քննարկում է Ուկրաինայի Ղրիմը Ռուսաստանի տարածք ճանաչելու հնարավորությունը՝ ցանկացած ապագա համաձայնագրի շրջանակներում, որը վերաբերում է Մոսկվայի և Կիևի միջև պատերազմի ավարտին, տեղեկացրել են երկու աղբյուրներ, որոնք ծանոթ են այս հարցին։ Երկու աղբյուրների խոսքով՝ վարչակազմի ներկայացուցիչները նաև քննարկել են, որ ԱՄՆ-ը կարող է կոչ անել Միավորված ազգերի կազմակերպությանը անել նույնը», — ասված է հաղորդագրությունում։

Նշվում է, որ Թրամփը պաշտոնապես որևէ որոշում չի ընդունել, և Ղրիմի վերաբերյալ հնարավոր քայլերը այն բազմաթիվ տարբերակներից մեկն են, որոնք առաջարկվում են Ուկրաինայի ճգնաժամի լուծման շրջանակում։ Սպիտակ տունը հրաժարվել է մեկնաբանություններից, ընդգծում է պորտալը։

Ինչպես հայտնում է EADaily-ն, Զապորոժիայի ատոմակայանի (ԶԱԷԿ) ճակատագիրը կքննարկվի ԱՄՆ եւ ՌԴ նախագահներ Դոնալդ Թրամփի եւ Վլադիմիր Պուտինի հեռախոսազրույցի ժամանակ։ Այս մասին ճեպազրույցում հայտարարել է Սպիտակ տան մամուլի քարտուղար Քերոլայն Լևիթը։

Հիշեցնենք, որ վաղը նախատեսված է Թրամփի և Պուտինի հեռախոսազրույցը։

Թարգմանությունը՝ Մանուել Թամազյանի

Լրահոս

22:43

Վրաստանում օտարերկրյա փողերով հրապարակայնորեն կոչ են անում հանցագործություններ կատարել

22:30

Հայտնի ֆոն Մեկ եւ Չայկովսկի ընտանիքների ժառանգը Երեւանում կներկայացնի «Չայկովսկի երաժշտություն առանց վիզաների» նախագիծը

21:55

Դատարանը երկարաձգել է բլոգեր Վալերիա Չեկալինայի տնային կալանքը

21:33

Ադրբեջանը փորձում է քաղաքական և դիվանագիտական ճանապարհով կորզել զիջումներ ՀՀ-ից. Արմեն Պետրոսյան (տեսանյութ)

21:29 Կարևոր

ՊՆ-ն 3 օրվա մեջ 8-րդ անգամ է հերքում Ադրբեջանի պաշտպանության նախարարության ապատեղեկատվությունը