Իսրայելական բանակը նոր հարձակումներ է իրականացրել Գազայի հատվածում պաղեստինյան արմատականների վրա։ Այս մասին հայտնում է բանակի մամուլի ծառայությունը։
Դրա տվյալներով՝ հարձակումներից մեկի թիրախն է եղել երեք արմատականներից բաղկացած խումբը, որոնք նկատվել են պաղեստինյան անկլավի կենտրոնական հատվածում իսրայելական զորքերի կողքին։ Այս կասկածելի անձինք փորձել են պայթուցիկ սարք տեղադրել գետնին, նշել են զինվորականները։
Բացի այդ, Գազայի հարավում գտնվող Ռաֆահ քաղաքի մոտ իսրայելական բանակը հարձակվել է արմատականների մեկ այլ խմբի վրա։ Ըստ զինվորականների, հարվածների ենթարկված պաղեստինցիները նույնպես փորձել են պայթուցիկ սարք տեղադրել:
