Telegram մեսենջերի հիմնադիր Պավել Դուրովը հաստատել է, որ վերադարձել է Դուբայ, նա նշել է, որ Ֆրանսիայում սկսված հետաքննությունը շարունակվում է։
«Ինչպես դուք լսել եք, ես վերադարձա Դուբայ՝ մի քանի ամիս Ֆրանսիայում անցկացնելուց հետո՝ կապված Telegram-ում հանցագործների գործունեության հետաքննության հետ: Գործընթացը շարունակվում է, բայց ես շատ ուրախ եմ տուն վերադառնալու համար», - գրել է Դուրովը:
Նա նաև շնորհակալություն է հայտնել բոլորին աջակցության համար։
Շաբաթ օրը Agence France-Presse-ը հայտնել է, որ Դուրովը դատարանի թույլտվությամբ լքել է Ֆրանսիայի տարածքն ու ուղեւորվել Դուբայ։
