Առնվազն ինը մարդ է զոհվել Սիրիայի հյուսիսում գտնվող Այն ալ Արաբ (Քոբանի) քաղաքի արվարձաններում թուրքական անօդաչու թռչող սարքի հարձակման հետևանքով։ Ինչպես հայտնում է Rudaw գործակալությունը, բոլոր մահացածները մի ընտանիքի անդամներ են, այդ թվում՝ հինգ երեխա, ևս երկու մարդ վիրավորվել է։
Այն ալ Արաբը (Քոբանի), որը բնակեցված է քրդերով, գտնվում է Սիրիայի հյուսիսային մայրաքաղաք Հալեպից 138 կմ հյուսիս-արևելք՝ Եփրատ գետի արևելյան ափին։
«Սիրիայի դեմոկրատական ուժեր» (SDF) քրդական կոալիցիայի հրամանատարության հայտարարության մեջ նշվում է, որ վերջին օրերին թուրքական զորքերը և նրանց կողմից վերահսկվող զինված խմբավորումները ակտիվացրել են ռազմական գործողությունները Սիրիայի հյուսիս-արևելքում։ Քրդական զորքերը պաշտպանություն են իրականացնում Կարակոզակ կամրջի և Եփրատ գետի վրա գտնվող Տիշրին ամբարտակի տարածքում։
Մարտի 10-ին Սիրիայի ժամանակավոր նախագահ Ահմեդ ալ-Շարաան և SDF-ի հրամանատար Մազլում Աբդին համաձայնագիր են ստորագրել, ըստ որի քրդական ուժերը ներառվելու են անցումային կառավարության զինված ուժերի կազմում։
