Գերմանիայի արտաքին գործերի նախարար Անալենա Բերբոքը ընդգծել է Սիրիայում ներառական քաղաքական գործընթացի անհրաժեշտությունը և ասել, որ Գերմանիան լրացուցիչ 300 միլիոն եվրո կհատկացնի երկրին և տարածաշրջանին աջակցելու համար:
«Սիրիայի խաղաղ ապագան հնարավոր է միայն ներառական քաղաքական գործընթացի միջոցով: Անցումային կառավարությունը ոչ միայն պետք է ամբողջությամբ հետաքննի հարյուրավոր խաղաղ բնակիչների դեմ կատարված սարսափելի հանցագործությունները և պատասխանատվության ենթարկի մեղավորներին, այլ նաև ապահովի իր անվտանգության ապարատի տարբեր դերակատարների վերահսկողությունը», - ասել է Բերբոքը Բրյուսելում ԵՄ ԱԳ նախարարների հանդիպմանը ժամանելուն պես:
Միևնույն ժամանակ, նա պնդել է, որ «քրդերի ինտեգրումը պետական և անվտանգության կառույցներին չափազանց կարևոր քայլ է միասնական Սիրիայի համար, քանի որ միայն ներառական քաղաքական գործընթացը կարող է ստեղծել կայուն խաղաղություն և անվտանգություն, հետևաբար՝ կայունություն»։
Սիրիայի ժամանակավոր նախագահը, ինչպես նշել է Գերմանիայի ԱԳՆ ղեկավարը, պետք է օգտագործի իրեն վերապահված շատ կարևոր դերը՝ ի շահ ողջ ժողովրդի։
