ԱՄՆ պաշտպանության նախարար Փիթ Հեգսեթը հետաձգել է նախապես պայմանավորված այցը Հարավային Կորեա՝ հանրապետությունում քաղաքական անորոշության պատճառով։ Այս որոշումը ցույց է տալիս, որ Վաշինգտոնը, հավանաբար, կխուսափի Սեուլի հետ լուրջ երկխոսությունից, քանի դեռ չունի լիարժեք նախագահ և կայուն ղեկավարություն, գրում է Bloomberg-ը։
Այն, որ մարտին նախատեսված այցը հետաձգվել է անորոշ ժամկետով, հաստատել է Հարավային Կորեայի պաշտպանության նախարարության պաշտոնական ներկայացուցիչը։ Որպես փոփոխության պատճառ նշվել է Պենտագոնի ղեկավարի զբաղվածությունը։
Ըստ Bloomberg-ի՝ ուղևորության չեղարկումը հաջորդ անհաջողությունն էր հարավկորեական դիվանագիտության համար այն բանից հետո, երբ Միացյալ Նահանգները հայտարարեց հանրապետությունը «զգայուն երկրների» ցուցակում ներառելու պլանների մասին, որոնց հետ համագործակցությունը ենթակա է հատուկ ստուգումների և սահմանափակումների։
Ցուցակում դաշնակից պետությանը ներառելու պատճառներից մեկը, ըստ լրատվամիջոցների, Սեուլի միջուկային հավակնությունների աճն է։
«Իմաստ չկա դիվանագիտական ջանքեր գործադրել, եթե ձեր գործընկերը ձեզ չճանաչի: Հարավային Կորեայի համար դիվանագիտական որոշակի կորուստներ անխուսափելի են», - ասել է Սեուլի Հյուսիսային Կորեայի ուսումնասիրությունների համալսարանի քաղաքագիտության պրոֆեսոր Կիմ Չենգը՝ մատնանշելով, որ երկիրն այժմ մնում է անորոշության մեջ:
