Միացյալ Նահանգների իշխանությունները մտադիր են Մեքսիկայի հետ սահմանով ձգվող պատնեշի երկարությունը եւս 11 կմ-ով ավելացնել։ Այս մասին հայտարարել է ԱՄՆ ներքին անվտանգության նախարար Քրիստի Նոեմը։
«Ես Արիզոնայում եմ, և այստեղից դուք կարող եք տեսնել, թե որտեղ է ավարտվում սահմանային պատը: Այսօրվանից մենք սկսում ենք ևս 7 մղոն պատի կառուցումը: Մենք կշարունակենք դա անել՝ Ամերիկան նորից անվտանգ դարձնելու համար»,- ասել է նա X-ի հրապարակած տեսանյութում:
Մարտի սկզբին ԱՄՆ փոխնախագահ Վենսը հայտարարել էր, որ ԱՄՆ նախագահ Դոնալդ Թրամփը ակնկալում է ավարտել պատի կառուցումը Մեքսիկայի հետ սահմանին մինչև պետության ղեկավարի պաշտոնում իր երկրորդ ժամկետի ավարտը՝ 2029 թ.
Իր երդմնակալությունից անմիջապես հետո Թրամփը հրամանագիր է ստորագրել Մեքսիկայի հետ ԱՄՆ սահմանին արտակարգ դրություն մտցնելու մասին։ Նա ասել է, որ դա թույլ կտա զորքեր ուղարկել հարավային սահման՝ անօրինական միգրանտների երկիր «աղետալի ներխուժումը հետ մղելու համար»:
