Ռուսաստանն ու ԱՄՆ-ը քննարկում են Ռուսաստանի առաջնորդ Վլադիմիր Պուտինի և ԱՄՆ նախագահ Դոնալդ Թրամփի հնարավոր հանդիպման նախապատրաստումը։
Այս մասին հայտարարել է ՌԴ նախագահի օգնական Յուրի Ուշակովը լրագրող Պավել Զարուբինի հետ զրույցում, որից մի հատված հրապարակվել է նրա տելեգրամյան ալիքում, հաղորդում է «Известия»–ն։«Մենք այդ հարցը քննարկում ենք ամերիկացիների հետ։
Մենք պատրաստվում ենք հանդիպմանը, և այն կկազմակերպվի հենց որ դրա անհրաժեշտությունը առաջանա»,- ասել է Ուշակովը՝ պատասխանելով համապատասխան հարցին։
Քաղաքական գործիչը նաև նշել է, որ ներկայումս շփումներ են իրականացվում այլ մակարդակներով։«Հանդիպումը և հեռախոսազրույցը կարելի է բավականին արագ կազմակերպել, բայց ես դեռ որևէ կոնկրետ բան չեմ կարող ասել»,- եզրափակել է Ուշակովը։
