Ադրբեջանի հարավ-արևելքում գտնվող Ջալիլաբադի շրջանում տղամարդը տեղափոխվել է դիահերձարան, որտեղ պարզվել է, որ նա ողջ է, հայտնում է Report գործակալությունը։
Աղբյուրի տվյալներով՝ խոսքը Թահիրլի գյուղի 34-ամյա բնակչի մասին է։ Նրան հայտնաբերել են տանը՝անգիտակից, ճանաչվել մահացած և տեղափոխվել դատաբժշկական փորձաքննության և ախտաբանական անատոմիայի ասոցիացիայի շրջանային բաժանմունք։ Այնտեղ պարզվել է, որ տղամարդը ոչ թե մահացել է, այլ գտնվում է կոմատոզային վիճակում։
Ինչպես հաղորդվում է, դրանից հետո նա հոսպիտալացվել է։ Բժիշկներին հաջողվել է կայունացնել ադրբեջանցու վիճակը, նա այժմ վերակենդանացման բաժանմունքում է.
Թարգմանությունը՝ Euromedia24.com-ի
