Ուկրաինայի նախագահ Վլադիմիր Զելենսկին հայտարարել է, որ հակամարտության գոտում հրադադարի նախապատրաստման գործընթացը կարող է տևել ավելի քան մեկ ամիս։ Այս մասին հայտնում է Strana.ua հրատարակությունը։
Ուկրաինայի ղեկավարը նաև դեմ է արտահայտվել անժամկետ հրադադարի գաղափարին։
«Կարևոր է, որ ռազմական գործողությունների դադարեցման մասին համաձայնագիրը հստակ սահմանի վերջնաժամկետը։ Դա կսահմանափակի իրավիճակը շահարկելու Ռուսաստանի հնարավորությունը՝ ստեղծելով «հավերժ սառեցված հակամարտության» պատրանք»,- ընդգծել է Զելենսկին։
Մարտի 15-ին Վլադիմիր Զելենսկին հաստատել է խաղաղ բանակցություններին նախապատրաստվելու պատվիրակության կազմը։ Նա նաև դեմ է արտահայտվել անժամկետ հրադադարին և պնդել, որ մարտերը պետք է դադարեցվեն միայն որոշակի ժամկետով։ Միևնույն ժամանակ, Լոնդոնը, որն ակտիվորեն աջակցում է Կիևին, Պուտինի արձագանքը հրադադարի առաջարկին «բավականաչափ ոչ լավ» է անվանել և սպառնացել, որ Եվրոպան կխորացնի պատժամիջոցները, եթե Մոսկվան հրաժարվի հրադադարից։
Թարգմանությունը՝ Մանուել Թամազյանի
