Ուկրաինայի նախագահ Վլադիմիր Զելենսկին Մեծ Բրիտանիայի նախաձեռնած գագաթնաժողովից հետո կայացած ճեպազրույցում «սուր» է անվանել Ռուսաստանին տարածքային զիջումների հարցը, հայտնում է РБК-Украина-ն։
Նրա կարծիքով՝ հենց դրան է փորձում հասնել Ռուսաստանի Դաշնությունը։
«ԱՄՆ-ն այդ հարցը բարձրացրել է Ջիդայում և ստացել Ուկրաինայի դիրքորոշումը»,- ասել է քաղաքական գործիչը։
Նա ընդգծել է, որ Ուկրաինան չի ճանաչում այն տարածքների կորուստը, որոնք արդեն գտնվում են Ռուսաստանի վերահսկողության տակ։
Մարտի 14-ին Սպիտակ տունը հաստատել է, որ ԱՄՆ-ը քննարկում է այդ տարածքների կարգավիճակը ինչպես Մոսկվայի, այնպես էլ Կիևի հետ։ ԱՄՆ նախագահի խորհրդական Վալցն ասել է, որ կողմերը պետք է փոխզիջումների գնան խաղաղության հասնելու համար։ ԱՄՆ նախագահ Դոնալդ Թրամփը նշել է, որ բանակցությունների մաս է կազմում նաև Զապորոժիայի ատոմակայանի վերահսկողությունը։ Հանրապետությունից անանուն դիվանագետը պնդում է, որ Ջիդայում բանակցությունների ընթացքում կողմերը քննարկել են միայն երկրի տարածքային ամբողջականության հարցը, այլ ոչ թե տարածքային զիջումներ։ Նոր շրջաններն արդեն ամրագրված են ՌԴ Սահմանադրությամբ, սակայն Ուկրաինան հույս ունի դիվանագիտական ճանապարհով վերականգնել տարածքները։
Թարգմանությունը՝ Մանուել Թամազյանի
