Երևանի քաղաքապետարանում կքննարկվի «Մայր Հայաստան» խմբակցության նախագիծը, որով տրանսպորտի սակագինը պետք է մնա 100 դրամ, իսկ թոշակառուների համար՝ անվճար։
«Քանի որ դեկտեմբերի 5-ին մուտք էր արվել 17.000 երևանցու քաղաքացիական նախաձեռնություն տրանսպորտի սակագնի վերաբերյալ, օրենքի ուժով հրատապության կարգով օրակարգ է մտցվել մարտի 18-ի Երևանի ավագանու հիշյալ նախագիծը, որի քննարկումը տեղի կունենա այսօր՝ ժամը 19:00–ին, քաղաքային ավագանու ֆինանսավարկային հանձանաժողովի նիստի ընթացքում»,– հայտնել է ավագանու «Մայր Հայաստան» խմբակցության անդամ Գևորգ Ստեփանյանը՝ նշելով, որ զեկուցողը կլնի Անդրանիկ Թևանյանը։
