Թուրքիայի արտաքին գործերի նախարար Հաքան Ֆիդանը, պաշտպանության նախարար Յաշար Գյուլերը և ազգային հետախուզական ծառայության (MIT) ղեկավար Իբրահիմ Քալընն աշխատանքային այցով գտնվում են Դամասկոսում։ Այցի շրջանականերում Թուրքիայի պատվիրակությունը հանդիպել է Սիրիայի անցումային շրջանի նախագահ Ահմեդ Ալ Շարայի հետ։ Հանդիպումը տևել է 3 ժամ ու ներկա են գտնվել նաև Սիրիայի արտաքին գործերի նախարար Ասադ Հասան Շայբանին, պաշտպանության նախարար Մուրհեֆ Աբու Քասրան և հետախուզական կազմակերպության ղեկավար Էնես Հաթաբը։
Օրակարգային հարցերի թվում է եղել մարտի 11-ին քրդական «Սիրիայի դեմոկրատական ուժերի» (SDG) կուսակցության առաջնորդ Մազլում Աբդիի հետ ստորագրված համաձայանգրի մանրամասները, Սիրիայում սահմանադրական նախապատրաստման և քաղաքական լուծման գործընթացը, Լաթաքիայում տեղի ունեցած դեպքերը, Իսրայելի հարձակումները Սիրիայի վրա, Թուրքիայի կողմից ահաբեկչական որակվող «Քուրդիստանի բանվորական կուսակցության», PKK-ՔԲԿ»-ն և «Սիրիայի քրդական ինքնապաշտպանական ուժերի» «YPG»-ի զենքերը վայր դնելու մասին հարցերը։
