Ռուսաստանը Իրանի դեմ պատժամիջոցները համարում է անօրինական: Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը՝ պատասխանելով իրանական միջուկային դոսյեի վերաբերյալ հարցին։
«Իրանական կողմը երբեք ոչ մի խոսք չի ասել իր երկրում միջուկային զենք ձեռք բերելու իր մտադրության մասին, այդ պատճառով, իհարկե, բոլոր պատժամիջոցները, բոլոր սահմանափակումները մեր ընկալմամբ անօրինական են», - ասել է Կրեմլի ներկայացուցիչը։
Նա նաև ասել է, որ Պեկինում իրանական միջուկային ծրագրի շուրջ Ռուսաստանի Դաշնության, Իրանի և Չինաստանի ներկայացուցիչների միջև բանակցությունների արդյունքներից հետո «բոլոր անհրաժեշտ հաշվետվությունները ժամանակին կտրամադրվեն»
Ռուսաստանի Դաշնության նախագահին։ Պեսկովը նշել է, որ շարունակվում են «իրանական միջուկային դոսիեի հիմնախնդրի խաղաղ կարգավորման բոլոր հնարավոր տարբերակների» որոնումը։
«Մենք ելնում ենք նրանից, որ մեր իրանցի ընկերներն իրավունք ունեն զարգացնելու իրենց երկրում խաղաղ ատոմային էներգետիկայի ոլորտը, ստեղծելու մի ամբողջ արդյունաբերություն, գիտեք, որ ռուսական կողմն ակտիվորեն մասնակցում է դրան, մենք օգնում ենք մեր իրանցի ընկերներին այս հարցում»,- ասել է նախագահի մամուլի քարտուղարը։
