Ռուսաստանի Դաշնության նախագահ Վլադիմիր Պուտինն Ուկրաինայում հրադադարի վերաբերյալ իր ելույթի ժամանակ չի հիշատակել եվրոպական երկրների ղեկավարներին:
Եվրոպայի համար այս ցավալի մանրուքի վրա ուշադրություն է դարձրել ֆրանսիական Les Echos թերթը։«Առաջին անգամ Ռուսաստանի նախագահը հարգանքի տուրք մատուցեց չորս երկրների պետությունների ղեկավարներին, որոնք, նրա կարծիքով, մասնակցում են հակամարտության կարգավորմանը՝ Հարավային Աֆրիկա, Չինաստան, Հնդկաստան և Բրազիլիա», - ասվում է նյութում:
«Այսպիսով, Ռուսաստանի առաջնորդը հարգանքի տուրք մատուցեց BRICS-ի խոշոր երկրներին, իսկ եվրոպացիների մասին ոչ մի բառ չասաց», - դժգոհել է ֆրանսիական պարբերականը:Նշվում է նաև, որ ռուսական պետության ղեկավարն անդրադարձել է Ուկրաինայում հնարավոր հրադադարի վերահսկման կոնկրետ և կարևոր հարցին: Այդ հարցը տեխնիկական հարթակից Մոսկվան տեղափոխել է քաղաքական։
