Պորտուգալիայում մայիսի 18-ին կանցկացվեն արտահերթ խորհրդարանական ընտրություններ, որոնք կդառնան երրորդը վերջին երեք տարվա ընթացքում։ Երկրի նախագահ Մարսելու Ռեբելու դե Սոզան արտահերթ ընտրություններ անցկացնելու որոշում է կայացրել այն բանից եհտո, երբ աջ կենտրոնամետ փոքրամասնության կառավարությանը խորհրդարանում անվստահության քվե են հայտնել, այս մասին հաղորդում է Reuters գործակալությունը։
Նախագահը խորհրդարանը ցրելու և նոր ընտրություններ անցկացնելու որոշում է կայացրել երկրի հիմնական քաղաքական կուսակցությունների և Պետության խորհրդի (խորհրդատվական մարմին, որի մեջ են մտնում հիմնական քաղաքական կուսակցությունների ներկայացուցիչները) հետ խորհրդակցություններ անցկացնելուց հետո։
Պորտուգալիայի վարչապետ Լուիշ Մոնտենեգրուն կառավարությանը վստահություն հայտնելու նախաձեռնությամբ հանդես էր եկել անցյալ շաբաթ, այն բանից հետո, երբ ընդդիմությունը սպառնացել էր խորհրդարանական հետաքննություն սկսել նրա ընտանիքին պատկանող տվյալների պաշտպանության խորհրդատվական ընկերության նկատմամբ՝ պնդելով, որ մասնավոր ընկերությունների հետ պայմանագրերն օգուտ են բերել Մոնտենեգրուին՝ որպես վարչապետ։Մոնտենեգրուն հերքել է շահերի բախման առկայությունը։
