Այդահո նահանգում գնդակահարությունը պաշտոնապես կդառնա մահապատժի հիմնական ձևը 2026 թվականի հուլիսի 1-ին: Այս մասին ասվում է օրինագծի տեքստում, որը ստորագրել է նահանգի նահանգապետ Բրեդ Լիթլը։
«Օրենսդրությունը նախատեսում է մահապատժի կատարման հիմնական մեխանիզմ գնդակահարությունը, սակայն մահաբեր նյութի ներերակային կիրառումը կլինի մահապատժի երկրորդային ձև, եթե ինչ-ինչ պատճառներով ի կատար ածումը անհնար է», - ասվում է փաստաթղթի բացատրական գրության մեջ։
Օրինագիծն ուժի մեջ կմտնի 2026 թվականի հուլիսի 1-ից, այն արդեն որպես ստորագրված փաստաթղթեր նշված է նահանգապետի կայքում։
Այդահոն կդառնա ԱՄՆ միակ նահանգը, որտեղ հրաձգային ջոկատները կկիրառվեն որպես հանցագործների մահապատժի հիմնական մեթոդ։ ԱՄՆ-ում կա ընդամենը հինգ նահանգ, որտեղ թույլատրված է պատժի այս տեսակը, սակայն, ըստ Ամերիկյան մահապատժի տեղեկատվական կենտրոնի, դրանցից ոչ մեկում մահապատիժը հիմնական հիմքը չէ։
