Ղրղզստանը և Տաջիկստանը պայմանավորվել են վերսկսել օդային հաղորդակցությունը երկու երկրների միջև, որն ընդհատվել էր 2021 թվականին։ Այս մասին Բիշքեկում հայտարարել է Ղրղզստանի նախագահ Սադիր Ջապարովը՝ Տաջիկստանի առաջնորդ Էմոմալի Ռահմոնի հետ բանակցություններից հետո։
«Մենք պայմանավորվել ենք վերսկսել օդային ճանապարհորդությունները», -ասել է նա։ Նրա խոսքով, առաջիկայում կվերականգնվի նաեւ կողմերի միջեւ ավտոբուսային ծառայությունը։
Դուշանբեի և Բիշքեկի միջև առաջին չվերթը ավիափոխադրումների վերականգնումից հետո տեղի կունենա մարտի 14-ին, ասել է Ռախմոնը։ Չվերթ կբացվի նաև Տաջիկստանի Սուղդի շրջանի վարչական կենտրոնից՝ Խուջանդից, դեպի Ղրղզստանի մայրաքաղաք և հակառակ ուղղությամբ։
«Մենք արդեն հանձնարարականներ ենք տվել Դուշանբե-Բիշքեկ, Բիշքեկ-Դուշանբե և Բիշքեկ-Խուջանդ չվերթերի բացման առաջին օրը, այսինքն՝ երկու երթուղիներ»,- ասել է Տաջիկստանի ղեկավարը:
Նրա խոսքով՝ նախագահները համապատասխան կառույցներին հանձնարարել են միջոցներ ձեռնարկել վերսկսելու ցամաքային տրանսպորտային հաղորդակցությունը, այդ թվում՝ սահմանամերձ շրջանների միջև։ Ռահմոնն ընդգծել է, որ միմյանց տրանզիտային և տրանսպորտային կարողությունների փոխշահավետ օգտագործումը կապահովի երկու երկրների և ընդհանուր առմամբ տարածաշրջանի տնտեսությունների կայուն զարգացումը։
