ԱՄՆ տրանսպորտի անվտանգության ազգային խորհուրդը (NTSB) պահանջել է անհապաղ փոփոխություններ կատարել օդային երթևեկության կառավարման մեջ Ռոնալդ Ռեյգան Վաշինգտոնի օդանավակայանի (DCA) տարածքում հունվարին ուղևորատար ինքնաթիռի և ռազմական ուղղաթիռի վթարից հետո, հաղորդում է ABC News-ը:
«NTSB-ը խորհուրդ է տալիս Դաշնային ավիացիոն վարչությանը (FAA) ընդմիշտ արգելել ուղղաթիռներով թռիչքները Ռեյգանի օդանավակայանի մոտ՝ 15 և 33 թռիչքուղիներից օգտվելիս, ինչպես նաև որոշել օդաչուների համար այլընտրանքային երթուղի», - ասել է NTSB-ի նախագահ Ջենիֆեր Հոմենդին:
Ի պատասխան՝ ԱՄՆ տրանսպորտի նախարար Շոն Դաֆին ասել է, որ աղետից հետո ներդրված ուղղաթիռներով թռիչքների արգելքը ուժի մեջ կմնա։
Հեռուստաալիքի վկայակոչած NTSB տվյալների համաձայն՝ 2021-2024 թվականներին օդանավակայանի տարածքում ավելի քան 15 հազար միջադեպ է տեղի ունեցել, երբ ինքնաթիռների և ուղղաթիռների միջև հեռավորությունը չի գերազանցել 122 մետր բարձրությունը և 1,85 կիլոմետրը հորիզոնական: 85 դեպքերում ուղղահայաց հեռավորությունը եղել է 61 մետրից պակաս։
Հունվարի 29-ին Ռոնալդ Ռեյգան Վաշինգտոնի օդանավակայանում American Airlines Bombardier CRJ700 տարածաշրջանային մարդատար ինքնաթիռը վայրէջքի ժամանակ բախվել է Sikorsky H-60 (Black Hawk) ռազմական ուղղաթիռին։
