Պետդումայի վերահսկողության հանձնաժողովի նախագահի առաջին տեղակալ Դմիտրի Գուսևը դիմել է մշակույթի նախարար Օլգա Լյուբիմովային՝ Սարիկ Անդրեասյանի ֆիլմերի ֆինանսավորումից հրաժարվելու առաջարկով։ Այս մասին հայտնում է RTVI-ն։ Գուսևը կարծում է, որ Մոսկվայի թիվ 40 կինովարժարանում իր վերջին ելույթով Անդրեասյանը անհարգալից վերաբերմունք դրսևորեց ռուսական մշակույթի նկատմամբ։
Խորհրդարանականի խոսքով, ռեժիսորի վարքագիծը վնաս է հասցնում ռուսական կինոինդուստրիայի ողջ հեղինակությանը։
«Անդրեասյանի հայտարարությունները կարող են բացասաբար ազդել երիտասարդների մասնագիտական զարգացման, ինչպես նաև հայրենական կինոյի հեղինակության վրա»,- ասել է Գուսևը։ Գուսևը աննպատակահարմար է համարել բյուջետային գումարներ հատկացնել Անդրեասյանի նախագծերին, քանի որ, նրա տվյալներով, իրենք իրենց համար չեն վճարում։
Վերջին 10 տարիների ընթացքում, մանրամասնեց պատգամավորը, Անդրեասյանի ֆիլմերի համար հատկացվել է 590 մլն ռուբլի, որից միայն 175 մլն-ն է որպես փոխհատուցում տրամադրվել Կինոյի հիմնադրամին։
«Սակայն նրա ֆիլմերի տարածման արդյունքները վկայում են հեռուստադիտողների շրջանում այդ գործերի նկատմամբ ցածր պահանջարկի մասին, ինչը կասկածի տակ է դնում նման ֆինանսավորման նպատակահարմարությունը»,- ասաց պատգամավորը։ Սարիկ Անդրեասյանը նախօրեին դասախոսության ժամանակ վիճաբանել էր Մոսկվայի միջազգային կինոդպրոցի ուսանողների հետ։
Երբ աղջիկներից մեկը նրան հարցրեց փառատոնային ֆիլմերի մասին, նա ասաց, որ ատում է Տարկովսկուն և հեղինակային ֆիլմերը։ Թարգմանությունը՝ Lurer.com-ի
