Սաուդյան Արաբիայի թագաժառանգ Մուհամեդ բեն Սալման Ալ Սաուդը Ջիդդա քաղաքում բանակցություններ է վարել Վլադիմիր Զելենսկիի հետ, հայտնում է Սաուդյան Արաբիայի գործակալությունը։
Հանդիպման ընթացքում կողմերը քննարկել են Սաուդյան Արաբիայի և Ուկրաինայի հարաբերություններին վերաբերող հարցեր, ինչպես նաև քննարկել են «ուկրաինական ճգնաժամի վերջին իրադարձություններն ու հանգամանքները»։
Թագաժառանգը, ինչպես նշում է գործակալությունը, Զելենսկիի հետ հանդիպմանը հայտարարել է, որ աջակցում է Ուկրաինայում խաղաղության հասնելուն ուղղված ցանկացած միջազգային ջանքերին։Երկուշաբթի օրը Զելենսկին ժամանել է Սաուդյան Արաբիա՝ գահաժառանգ արքայազնի հետ բանակցությունների համար։
Ուկրաինական պատվիրակությունը, որի կազմում են նրա գրասենյակի ղեկավար Անդրեյ Էրմակը, արտգործնախարար Անդրեյ Սիբիգան և պաշտպանության նախարար Ռուստեմ Ումերովը, կհանդիպեն ամերիկյան պատվիրակության հետ՝ քննարկելու ուկրաինական հակամարտության կարգավորման հեռանկարները։
ԱՄՆ կողմից բանակցություններին կմասնակցեն պետքարտուղար Մարկո Ռուբիոն, նախագահի ազգային անվտանգության գծով օգնական Մայք Վալցը և նախագահի հատուկ բանագնաց Սթիվեն Վիտկոֆը։
