Երկիրը կանգնած է գոյութենական վտանգի առաջ, իսկ Հայաստանի վարչապետ Նիկոլ Փաշինյանը, Ադրբեջանի սպառնալիքներին պատասխանելու փոխարեն, կրկին «ֆեյք» օրակարգեր է առաջ քաշում «թալանը հետ բերելու» մասին: Այս մասին Euromedia24-ի հետ զրույցում նշեց Ազգային ժողովի նախկին պատգամավոր, քաղաքական գործիչ Նաիրա Զոհրաբյանը՝ խոսելով վարչապետի՝ մարտի 9-ին Գյումրի կատարած այցի և Նիկոլ Փաշինյանի կողմից արված հայտարարությունների մասին:
Զոհրաբյանի խոսքով՝ նույնիսկ խորհրդային առաջնորդներ Ստալինի, Բրեժնևի կամ Հյուսիսային Կորեայի առաջնորդ Կիմ Չեն Ընի անվտանգությունն ապահովելու համար ոստիկանական այդպիսի ներուժ չի օգտագործվել, որքան Գյումրիում՝ Փաշինյանի համար:
«Փաշինյանին խորհուրդ եմ տալիս բացել քաղաքների, գյուղերի, սրբավայրերի, հարյուրավոր եկեղեցիների, հազարավոր մշակութային կոթողների ցանկը, որ ինքն անձամբ իր ստորագրությամբ հանձնել է Ադրբեջանին: Այդ Բրաբուսներից, «յաշիկներից», Ռենջ Ռովերներից խոսելուց առաջ, լավ կլինի, պատասխան տա հանրությանը, թե երբ է վերադարձնելու Արցախի 12 քաղաք, 241 գյուղ, 383 եկեղեցի, 5000-ից ավելի մշակութային կոթողներ, Տավուշի բնակավայրերը, Ջերմուկի վերևի հատվածը, Սև լճի 30 տոկոսը, որի համար ինքը չէր պատրաստվում կռիվ տալ», - իր խոսքում նշեց Նաիրա Զոհրաբյանը:
Մանրամասները՝ տեսանյութում:
Արամ Սարգսյան
