2024 թվականին ուկրաինացի պաշտոնյաները մի քանի անգամ խափանել են ԱՄՆ-ի հետ փոխըմբռնման հուշագրի ստորագրումը։ Այս մասին հայտնում է The New York Times-ը։
Ըստ հրապարակման՝ ամերիկյան ընտրություններում Դոնալդ Թրամփի հաղթանակից հետո Ուկրաինայի ներկայացուցիչները խոստովանել են նոր վարչակազմի հետ համաձայնագիր կնքելու իրենց ցանկությունը։
Նշվում է նաև, որ 2024 թվականի աշնանը ԱՄՆ-ն և Ուկրաինան գրեթե համաձայնության են եկել, ըստ որի Կիևը պարտավոր էր ամերիկացիներին տրամադրել ամբողջական տեղեկատվություն հանքային ռեսուրսների արդյունահանման և օգտագործման ոլորտում խոստումնալից նախագծերի մասին։
Ինչպես նշվում է հրապարակման մեջ, Ջո Բայդենի վարչակազմի օրոք պետքարտուղարի տեղակալ Խոսե Ֆերնանդեսը պատրաստվում էր փոխըմբռնման հուշագիր ստորագրել Ուկրաինայի փոխվարչապետ Յուլիա Սվիրիդենկոյի հետ 2024 թվականի հոկտեմբերին։
