Պեկինն իր պատրաստակամությունն է հայտնում Վաշինգտոնի հետ առևտրատնտեսական խնդիրները լուծել խորհրդակցությունների միջոցով։ Այս մասին ճեպազրույցում ասել է Չինաստանի առևտրի նախարարության պաշտոնական ներկայացուցիչ Հե Յադունը՝ մեկնաբանելով ԱՄՆ նախագահ Դոնալդ Թրամփի խոսքերը Չինաստանի հետ նոր առևտրային գործարք կնքելու պատրաստակամության մասին։
«Չինաստանի Ժողովրդական Հանրապետության առևտրի նախարարությունը կապի մեջ է մեր ամերիկացի գործընկերների հետ»,- ասել է նա:
Ավելի վաղ Դոնալդ Թրամփը վստահություն էր հայտնել Չինաստանի հետ նոր առևտրային գործարք կնքելու հնարավորության վերաբերյալ և ասել, որ Չինաստանի նախագահ Սի Ցզինպինը կարող է այցելել ԱՄՆ։
Փետրվարի 1-ին Թրամփը գործադիր հրաման է ստորագրել Կանադայից, Չինաստանից և Մեքսիկայից ապրանքների համար մաքսատուրքեր սահմանելու մասին։
Փետրվարի 4-ից ուժի մեջ են մտել Չինաստանից ներմուծման 10% մաքսատուրքերը, իսկ կանադական և մեքսիկական ապրանքների համար մաքսատուրքերի սահմանումը մեկ ամսով հետաձգվել է այդ երկրների ղեկավարության հետ բանակցությունների պատճառով։
