ԵՄ առաջնորդները մարտի 6-ին կայանալիք արտակարգ գագաթնաժողովում կքննարկեն Ուկրաինայի անվտանգության եվրոպական երաշխիքները և ինքնիշխան պաշտպանության միջոցները: Այս մասին հայտարարել է Եվրոպական խորհրդի ղեկավար Անտոնիո Կոստան բաց նամակով, որը հրապարակել է նրա մամուլի ծառայությունը։
Մասնակիցները կվերանայեն «եվրոպական պաշտպանությունը»՝ նպատակ ունենալով «որոշումներ կայացնել կարճաժամկետ կտրվածքով, որպեսզի Եվրոպան դառնա ավելի արդյունավետ և ավելի պատրաստված՝ արձագանքելու ներկայիս և ապագա անվտանգության մարտահրավերներին», - նշել է Կոստան:
«ԵՄ-ն պետք է պատրաստ լինի նպաստել Ուկրաինայի անվտանգության ապագա երաշխիքներին, որոնք անհրաժեշտ են երկարաժամկետ խաղաղություն ապահովելու համար», - շարունակել է Եվրոպական խորհրդի ղեկավարը։
