ՌԴ նախագահի մամուլի քարտուղար Դմիտրի Պեսկովը հայտնել է, որ տեղեկություն չունի այս շաբաթ Ուկրաինայում խաղաղություն հաստատելու հնարավորության մասին ամերիկացի առաջնորդ Դոնալդ Թրամփի հայտարարությունների հետ կապված և սպասում է Սպիտակ տնից պարզաբանումներին։
«Այս դեպքում, կարծում եմ, որոշ պարզաբանումներ կլինեն Վաշինգտոնում իմ գործընկերոջից, ես դեռ նման տեղեկություն չունեմ»,- լրագրողներին ասել է նա՝ պատասխանելով համապատասխան հարցին։
Ավելի վաղ Սպիտակ տան մամուլի քարտուղար Քերոլայն Լևիտը հայտարարել էր, որ Թրամփը վստահ է, որ Ուկրաինայում հակամարտությունը դադարեցնելու վերաբերյալ համաձայնություն կարող է ձեռք բերվել «այս շաբաթ»։
