Իրավապաշտպան Ժաննա Ալեքսանյանը գրում է,
«Բարձր եմ գնահատում 5 իրավապաշտպանների նախաձռնության հրապարակային գործունեությունը, մարդուն պաշտպանելու պատրաստակամությունը իշխանության ոտնձգություններից, անհիմն մեղադրանքներից։
Նախ շատ կարևոր է հանրությանն իրազեկելը քրեական հետապնդման օրինականության և գործի ընթացքի մասին, ինչն այսօր հայտարարության տեսքով արել էին Էդգար Ղազարյանի նկատմամբ անթույլատրելի քրեական հետապնդման գործով։ Սա բաց պաշտպանություն է, որին իր մասսնակցությունը պիտի բերի հանրությունը։ Մենք բոլորս պետք է մերժենք ազատ խոսքը լռեցնելու ցանկացած փորձ և դա պիտի անենք միմյանց պաշտպանելով։ Սա իրոք կարող է նախադեպ դառնալ և այն պետք է կանխվի»։
