Գյումրիի նախկին քաղաքապետ, այժմ քաղաքապետի թեկնածու Վարդան Ղուկասյանը եւ նրա թիկնապահն ազատ են արձակվել. Այս մասին հայտնում են ՆԳՆ-ից:
Հիշեցնենք, որ նրանք ձերբակալվել էին ապօրինի զենք-զինամթերք պահելու եւ կրելու կասկածանքով:Վարդան Ղուկասյանի էջում հայտարարություն էր տարածվել, որում ասվում է.
«Սա օրվա իշխանական պարագլխի հրամանով կատարված գործողություն է` ուղղված լռեցնելու գյումրեցու ձայնը: Կոչ ենք անում բոլոր գյումրեցիներին ինքնաբուխ կերպով հավաքվել շինության մուտքի մոտ»:
Հիշեցնենք, որ մարտի 30-ին Գյումրիում տեղի կունենան ավագանու ընտրություններ, որին մասնակցելու հայտ է ներկայացրել նաեւ Վարդան Ղուկասյանը:
