Գազայի հատվածում չորս իսրայելցի պատանդների աճյունները իսրայելցի զինվորականներին են փոխանցել Կարմիր խաչի միջազգային կոմիտեի ներկայացուցիչները։ Այս մասին հայտարարել է հրեական պետության վարչապետ Բենիամին Նեթանյահուի գրասենյակը։
«Իսրայելը Կարմիր խաչի միջոցով ստացել է դագաղներ, որոնցում եղել են չորս զոհված պատանդների մարմինները: Դագաղները փոխանցվել են Իսրայելի պաշտպանության ուժերին Գազայի հատվածում, որտեղից կտեղափոխվեն Իսրայել»,- ասվում է հաղորդագրությունում։
Վարչապետի աշխատակազմից հավելել են, որ Աբու Քաբիրի դատաբժշկական ազգային կենտրոնում աճյունների նույնականացման գործընթացի ավարտից հետո «ընտանիքներին պաշտոնական ծանուցում կուղարկվի»։
