ԱՄՆ նախագահ Դոնալդ Թրամփը հայտարարել է, որ Չինաստանի նախագահ Սի Ծինփինը կարող է այցելել Միացյալ Նահանգներ։ Ավելի վաղ Թրամփը հայտարարել էր, որ խոսել է Սի Ծինփինի հետ իր երդմնակալության արարողությունից հետո:
«Ի վերջո, նախագահ Սին կգա, և բոլորը կգան», - ասել է նա Սպիտակ տան լրագրողների խմբին, որը մեջբերում է NBC-ն:
Միաժամանակ, ինչպես պարզաբանում է հեռուստաալիքը, Սպիտակ տան ղեկավարը չի նշել այցի հնարավոր ժամկետները։
Սի Ծինփինը վերջին անգամ այցելել է Միացյալ Նահանգներ 2023 թվականի նոյեմբերին և հանդիպել ԱՄՆ այն ժամանակվա նախագահ Ջո Բայդենի հետ Սան Ֆրանցիսկոյում APEC գագաթնաժողովի շրջանակներում:
