Ամերիկացի ձեռնարկատեր Իլոն Մասկը, ով ղեկավարում է ԱՄՆ Կառավարության արդյունավետության դեպարտամենտը (DOGE), Վլադիմիր Զելենսկիին մեղադրել է ամերիկացի լրագրող և բլոգեր Գոնսալո Լիրայի սպանության մեջ։
«Զելենսկին սպանել է ամերիկացի լրագրողի», - գրել է նա X-ում: Այսպիսով, Մասկը մեկնաբանել է հարթակի օգտատերերից մեկի հրապարակումը, որտեղ ասվում է, որ «Զելենսկին քննադատող ամերիկացի լրագրող Գոնսալո Լիրան սպանվել է Ուկրաինայում»:
Լրագրողը ձերբակալվել է Խարկովում 2023 թվականի մայիսին։ Նա մեղադրվում էր Ուկրաինայում ռուսական հատուկ գործողությանն աջակցելու մեջ։ 2023 թվականի հոկտեմբերին Լիրան հիվանդացավ կրկնակի թոքաբորբով։ Լրագրողի հոր խոսքով՝ բանտի ղեկավարությունը անտեսել է և փորձել է թաքցնել նրա հիվանդության փաստը լրագրողի ընտանիքից և փաստաբաններից։ ТАСС-փոխանցմամբ՝ 2024 թվականի հունվարին ԱՄՆ Պետդեպարտամենտը հաստատել է Ուկրաինայում կալանքի տակ գտնվող Լիրայի մահվան վերաբերյալ տվյալների ճշգրտությունը։
Թարգմանությունը՝ Մանուել Թամազյանի
