Տավուշի մարզում բուհի դիպլոմ չունեցող 55 ուսուցչի ազատել են աշխատանքից, հիմա ապարդյուն կերպով ուսուցիչներ են որոնում։ Այս մասին գրել է Ոսկան Սարգսյանը.
«Տավուշի մարզպետարանը հայտարարել է Բերդ համայնքի Վերին Ծաղկավանի միջնակարգ դպրոցում «Հայոց լեզու և գրականություն» (20 դասաժամ),«Ռուսաց լեզու» (22 դասաժամ), «Մաթեմատիկա» (15 դասաժամ), զինղեկ(ՆԶՊ)(5 դասաժամ), դասվար (20 դասաժամ), «Պատմություն» (20 դասաժամ),« Թվային գրագիտություն և համակարգչային գիտություն» (10 դասաժամ) առարկաների ուսուցիչների թափուր տեղերի մրցույթի մասին։
Մրցույթը պետք է կայանար հունվարի 29-ին։
Վերին Ծաղկավանի միջնակարգ դպրոցի տնօրեն Նելլի Ռաշոյանից տեղեկացա, որ մրցույթով միայն ՆԶՊ-ի ուսուցչի թափուր հաստիքն է համալրվել, մնացած դասաժամերը զբաղեցնելու հավակնորդներ չեն եղել : Դպրոցի տնօրենը հայտնեց, որ ունեն ուսուցիչներ որոնք դրույքաչափից՝ 20 դասաժամից ավելի ժամաքանակ ունեն, մրցույթը հայտարարվել էր այդ ավել դասաժամերը դասավանդելու նպատակով ուսուցիչներ աշխատանքի ընդունելու համար։
Մրցույթի փաստացի չկայանալուց հետո այդ դասաժամերը կշարունակեն պարապել այն ուսուցիչները ,որոնք այժմ դրանք դասավանդում են։
Ն․ Ռաշոյանից տեղեկացա, որ այդ դպրոցում, աշխատող 25 ուսուցիչներից ու ուսուցիչների օգնականներից 5-ը կենսաթոշակառու են:
Ավելի վաղ Տավուշի մարզպետարանը հայտարարություն է տարածել Դիլիջան համայնքի Հովք գյուղի «Հովքի միջնակարգ դպրոց» ՊՈԱԿ-ի դասվարի (19 դասաժամ), հայոց լեզվի և գրականության (6 դասաժամ), ռուսաց լեզվի (10 դասաժամ), տեխնոլոգիայի (4 դասաժամ), կերպարվեստի (2 դասաժամ), ինֆորմատիկայի, թվային գրագիտության և համակարգչային գիտության (10 դասաժամ) ուսուցչի թափուր տեղերի համար։Մրցույթը պետք է տեղի ունենար 2024թ․ դեկտեմբերի 25-ին։
Հովքի միջնակարգ դպրոցի տնօրենի ժամանակավոր պաշտոնակատար Լալա Ղուկասյանից տեղեկացա, որ մրցույթը չի կայացել, քանի որ ոչ մի մասնակից չի եղել։ Տավուշի մարզպետարանից տեղեկացել եմ, որ:
2023-2024ուսումնական տարվա շեմին և ուսումնական տարվա ընթացքում բուհի դիպլոմ չունենալու պատճառով աշխատանքից ազատվել է Տավուշի մարզի հանրակրթական դպրոցներում աշխատող 55 ուսուցիչ։
Նրանք թեև չունեին բուհի դիպլոմ, ունեին միջնակարգ մասնագիտական կրթական հաստատության դիպլոմ, սակայն նրանցից շատերը երկար տարիների մանկավարժական աշխատանքի հաջողված փորձ ունեին։
Բուհի դիպլոմ չունեցող 55 ուսուցիչների աշխատանքին ազատել են, ու հիմա ուսուցիչներ են որոնում, մարզի դպրոցներում բազում թափուր հաստիքներ կան, տարեց, կենսաթոշակառու շատ ուսուցիչներ շարունակում են աշխատել։ Տավուշի մարզում ուսուցիչների համեմատաբար ցածր աշխատ
