Մոսկվայի «Դոմոդեդովո» օդանավակայանում հրդեհ է բռնկվել, սակայն այն արդեն մարվել է, հայտնում է ՏԱՍՍ-ը՝ վկայակոչելով օդանավակայանի մամուլի ծառայությունը։
«Առաջադրանք կատարելիս բռնկվել է կցասայլ»,- ասվում է հաղորդագրության մեջ։
Մամուլի ծառայությունը նաև նշել է, որ զոհեր և վիրավորներ չկան։ Հրդեհի բռնկման պատճառն այս պահին անհայտ է և կատարվում է հետաքննություն։ Բացի այդ, օդանավակայանից պարզաբանել են, որ միջադեպը չի ազդել օպերատիվ գործունեության կամ թռիչքների ժամանակացույցի վրա։ Օդանավակայանը շարունակում է բնականոն աշխատանքը։
