«Հայաստանը ես եմ» նախաձեռնության ղեկավար Նաիրի Սարգսյանը ֆեյսբուքյան իր էջում նշել է, որ իշխանությունը մանիպուլացրեց՝ հայտարարելով, որ մինչև 300,000 դրամ գործարքները հայտարարագրման ենթակա չեն՝ մարդկանց մոտ միտումնավոր տպավորություն ստեղծելով, թե այդ գործարքները չեն էլ հարկվելու․
«Հայտարարագրած գումարը չի հարկվի միայն այն դեպքում, եթե ունենաք նվիրատվության կամ փոխառնության պայմանագրեր։
Մյուս բոլոր դեպքերում, եթե կա չհիմնավորված բանկային շարժ, այն լինի 20,000, 150,000 թե 500,000 դրամ՝ ենթակա է հարկման»։
Տնտեսագետ Սուրեն Պարսյանին հարցրինք, թե ՊԵԿ-ը ո՞ր փոխանցումներն է համարելու նվիրատվություն և արդյոք այն ենթակա է հարկման․
«Եթե անկանխիկ եղանակով փոխանցված է, և գրված է անձնական նպատակով փոխանցում, օրինակ՝ ծառայության համար, ապրանքի համար և այլն, եթե գրված չէ, ապա այն արդեն մտնում է սովորական նվիրատվության տակ»։
Նշենք, որ 2025 թվականին բոլոր գրանցված աշխատողները պետք է ներկայացնեն 2024 թվականի համար եկամուտների հայտարարագիր։
