Մոլդովայի հարավում գտնվող Սալչիա գյուղի բնակիչները դաշտում ընկած անօդաչու թռչող սարք են հայտնաբերել, որը պայթուցիկ չի պարունակում, հայտնում է հանրապետության ոստիկանության գլխավոր տեսչությունը։
Ուկրաինայի դեմ ռուսական ռազմական գործողության սկզբից ի վեր Մոլդովայի տարածքում բազմիցս հայտնաբերվել են անօդաչու թռչող սարքերի բեկորներ։ Նման դեպքեր գրանցվել են Կաուզենիի, Կրիուլենիի, Ռիսկանիի մոտ, ինչպես նաև Քիշնևում, սակայն իրավասու մարմինները ապացույցներ չեն ներկայացրել, թե հակամարտության որ կողմին են պատկանում այդ անօդաչու սարքերը։
«Տարակլյայում՝ Սալչիա գյուղի մերձակայքում, անօդաչու թռչող սարք է հայտնաբերվել, պարզվել է, որ անօդաչու սարքում պայթուցիկ նյութեր չեն եղել», - ասվում է հաղորդագրության մեջ։
Նշվում է, որ անօդաչու թռչող սարքը գտել են տեղի բնակիչները, ովքեր հայտնաբերման մասին հայտնել են շտապօգնության ծառայություններին։ Ներկայումս տեղում աշխատում են մասնագետները։
Դեկտեմբերի 20-ին Մոլդովայի բանակը Ֆրանսիայից ստացավ GM 200 օդային հսկողության ռադար, որն արժեր մոտ 14 միլիոն եվրո:
