Արցախի ԱԳ նախկին նախարար Արման Մելիքյանը իր ֆեյսբուքյան էջում գրում է․
Լրիվ անիմաստ թեմա է՝ Քոչարյանը Մեղրին հանձնում էր, չէր հանձնում, ութը մետրն էր հանձնում, չէ՝ էստակադա էին սարքելու, որի ոչ տակի հողը, ոչ էլ վերևի օդը Ադրբեջանինը չէր լինելու․․․ Լսեք, անգամ Արցախը ստանալու համար Մեղրին տվող էլ լիներ, վերցնողը չկար ու չեղավ։
Հայր Ալիևի սարքած խաղի մեջ մտան, իր սահմանած կանոններով խաղացին ու վերջում այդպես քցված էլ խաղից դուրս մնացին։ Բայց արանքում լիքը մարդ մեռավ ու կարևորագույն իրավաքաղաքական դիրքեր անվերադարձ զիջվեցին։Էշի դնչի առջև կապված անհասանելի գազարի ուժով մեզ քշեցին իրենց ընտրած ախոռը։
Հիմա փոխանակ ընդունենք կատարվածն ու դասեր քաղենք, էլի ընկել իրար կոկորդ ենք կրծում՝ Մեղրին տալն էր ճիշտը, թե չտալը։ Ճիշտը՝ ուրիշի խաղի կանոններով չխաղալն է, բայց դրա համար և խելք է պետք, և փող, և, ամենակարևորը՝ քաջություն ու նվիրում։
